Ibinasura ng Makati City Prosecutor’s Office ang ilang reklamo kaugnay sa pagkamatay ng flight attendant na si Christine Dacera.
Kabilang sa mga ito ang ilang reklamong may kinalaman sa droga laban sa mga kasama ni Dacera at mga reklamong perjury o libel laban sa kanyang ina na si Sharon.
Kaugnay nito, ang reklamong isinampa ng National Bureau of Investigation (NBI) hinggil sa pagbibigay ng iligal na droga laban sa mga kasama ni dacera ay ibinasura rin dahil sa kawalan ng patunay kung saan lumabas sa pagsusuri kay Dacera na negatibo ito sa paggamit ng droga.
Ibinasura rin ang reklamong pamemeke ng dokumento kay Police Major Michael Nick Sarmiento.
Maliban dito, na-dismiss din ang reklamong perjury at reckless imprudence resulting in homicide laban sa ilang kasamahan ni dacera.
Samanatala, sinabi ni Justice Undersecretary Emmeline Aglipay- Villar na wala ng nakabinbing reklamo sa Makati City Prosecutor’s Office kaugnay sa kaso ni Dacera. - sa panulat ni Airiam Sancho
