Iginiit ng Department of Health (DOH) na hindi pa maaaring maging “endemic” ang sitwasyon sa bansa sa kabila ng bumababang kaso ng COVID-19.
Ayon kay Health Usec. Spokesperson Maria Rosario Vergeire, mahalaga na makitang tumataas ang immunity maging ang vaccination rate sa isang lugar.
Bukod pa dito, kailangan din na mapababa ang bilang ng mga nasawi bunsod ng COVID-19.
Matatandaang ibinaba na sa “moderate” ang risk classification ng Pilipinas para sa COVID-19 kung saan, patuloy pa ring binabantayan ng OCTA Research ang bawat lugar sa bansa.
Inaasahan namang mas bubuti pa ang mga binabantayang numero sa daily COVID-19 cases sa mga susunod na araw. —sa panulat ni Angelica Doctolero
