Dead on arrival sa ospital ang isang binata matapos malunod sa gitna ng outing nilang magkakaibigan sa General Emilio Aguinaldo, Cavite.
Kinilala ang biktima na si John Andrew Pineda, 18 anyos, taga-Malate, Maynila.
Ayon sa General Emilio Aguinaldo Police, nakita pa nila ang biktima pero huli na nang mapansin ng mga kasama nito na nagpapasaklolo si Pineda.
Nagsagawa naman ng search and rescue operation ang mga otoridad at inabot ng tatlong oras bago narekober ang katawan ng biktima.
Samantala, inaalam din ng mga otoridad kung may naganap na foul play sa pagkamatay ng binata.
