Dapat maging maagap ang mga nasa local government unit (LGUs) sa pag-aabiso kung may nagaganap ng COVID clustering sa kanilang mga lugar.
Ito’y sa gitna ng mahigpit na pagbabantay ng pamahalaan para mapigilan ang pagpasok ng COVID-19 Omicron variant sa bansa.
Sinabi ni Acting Presidential Spokesperson Cabinet Secretary Karlo Nograles, kailangan maiparating sa Inter-Agency Task Force (IATF) ang anumang naitatalang pagdami ng kaso sa isang lugar.
Sa kabilang dako, inihayag ni Nograles na basehan nila ang metrics at parameters na itinakda ng Task Force sa pagtataas ng alert level sa isang area.
Kaugnay aniya rito ipatutupad agad ang granular lockdown sa ilang lugar na ini-implementa sa ilalim ng alert level system.
