Hinuli ng mga Otoridad ang tatlong suspek sa iligal na droga matapos ikasa ang operasyon sa Brgy. Pinagbuhatan, Pasig City.
Kinilala ang mga suspek na sina, Sonny Del Rosario, 27-anyos; Edmund Dechoso, 45-anyos at Jetson Clemente y Anduyan, 36-anyos.
Ayon kay Eastern Police (EPD) District Director P/BGEN. Orlando Yebra Jr., nakuha sa mga naaresto ang ilang heat sealed transparent plastic sachets na naglalaman ng shabu at may timbang na 27.4 grams at nagkakahalaga ng mahigit P185K kasama ang iba’t-ibang klase ng shabu paraphernalias at buy-bust money na ginamit sa pakikipag-transaksiyon.
Agad namang isinailalim sa Drug Enforcement Unit sa Rizal Medical Center ang mga suspek para sa medical examination na nakatakdang imbestigahan at sampahan ng kasong paglabag sa Republic Act 9165 section 5 and 11 ng Article II. —sa panulat ni Angelica Doctolero
