Nanawagan sa publiko ang House of Representative na samantalahin ang National Vaccination Day.
Ayon kay Speaker Lord Allan Velasco, dapat na magpabakuna na ang mga hindi pa bakunado sa ilalim ng “Bayanihan Bakunahan” program ng Pamahalaan.
Sinabi ni Velasco malaking tulong ang pagpapabakuna upang hindi na muling tumaas ang kaso ng COVID-19 at para maging ligtas lalo na sa bagong variant virus na Omicron.
Naniniwala si Velasco na ang pagpapabakuna ng maraming Pilipino ang pag-iwas sa holiday spike ng COVID-19 infections at pagkamatay dahil sa sakit. —sa panulat ni Angelica Doctolero