Lalarga na ang PBA 3 on 3 sa Ynarest Sports Arena, sa Pasig City, mamaya.
13 koponan ang magsasalpukan sa naturang torneyo, kabilang ang 10 counterpart ng kanilang PBA teams habang tatlo ang guest team.
Hahatiin ang mga team sa tatlong grupo sa preliminary round na mag-uumpisa mamayang alas 2 ng hapon.
Buena manong magbabanggaan ang Limitless Appmasters, Purefoods at TJ Titans habang mamayang alas 2:25 ang Zamboanga Valientes at Platinum Karaoke sa Pool A.
Maghaharap naman sa Pool B ang Barangay Ginebra at Sista Super Sealers alas 2:50 at Cavitex Braves kontra Pioneer Pro Tibay,alas 3:15. —sa panulat ni Drew Nacino
