Inihayag ni OCTA Research Fellow Dr. Guido David na malaking hamon na maabot ang target na 1.5 million daily COVID-19 jabs sa bansa.
Kasunod ito ng pahayag ni Vaccine Czar Carlito Galvez Jr., na positibo silang maaabot na ang target na bilang ng mababakunahan kontra COVID-19.
Paliwanag ni David, posible ito sa NCR ngunit alanganin ito sa ilang lalawigan dahil ngayon pa lang itinataas ng pamahalaan ang vaccination rate sa mga probinsya.
Aniya, mahalagang pataasin muna ang bilang ng mga mababakunahan sa mga lalawigan bago maabot ang mahigit isang milyon daily COVID-19 jabs. —sa panulat ni Hya Ludivico
