Patuloy ang pakikipag-ugnayan ng Department of Health (DOH) sa mga lungsod sa Metro Manila na may malaking populasyon at may mataas na kaso ng virus.
Ayon kay health epidemiology director, Dr. Alethea De Guzman, layon ng naturang hakbang na malaman kung anu-ano ang puwede nilang gawin para mapababa ang kaso ng COVID-19 sa kanilang lugar.
Mababatid na lumabas sa kanilang pag-aaral na 80% ng mga kaso ng COVID-19 ay galing sa ilang barangay sa rehiyon.
Sa naturang bilang ani De Guzman, 11% hanggang 30% ng mga barangay na ito ay pawang may mga malalaking populasyon.