Kalahating oras ang nabawas sa biyahe mula North at South EDSA.
Sa ulat ni MMDA Chairman Benhur Abalos sa cabinet meeeting kay Pangulong Rodrigo Duterte, 59 minuto o halos isang oras na lamang ang biyahe sa EDSA Oktubre 7, 2021.
Kumpara ito sa dalawang oras at limang minuto noong Enero 2020 o bago magsimula ang COVID-19 pandemic.
Ayon kay Abalos, ang pagbilis ng travel time ay posible kahit na ang dami ng mga sasakyan sa EDSA ay bumabalik na sa dating bilang noong wala pang pandemya.
Sa kabila nito, hindi pa anya naibabalik ang number coding scheme sa Metro Manila dahil pa hindi pa rin normal ang operasyon ng public transport system.
