Umabot na sa higt 10,000 ang aktibong kaso ngayon ng COVID-19 sa Davao Region.
Ayon kay DOH Region 11 Dr. Anabelle Yumang, higit anim na libo (6,409) ang asymptomatic mula sa mahigit sampung libo (10,515) na kabuuang bilang ng kaso habang nasa tatlong libo (3,438) naman ang may mild cases, higit anim na daan (607) ang may severe cases at anim na put isa (61) naman ang may critical cases.
Dagdag ni Yumang, bumababa na ang naiitalang kaso sa rehiyon at marami pa aniyang bakanteng kama sa Southern Philippines Medical Center para sa COVID-19 pasyente.
Pahayag naman niya na wala silang problema sa supply ng oxygen at iba pang mga gamot sa ngayon.—sa panulat ni Airiam Sancho
