Dapat sa pangulo ng bansa ipagkaloob ang kapangyarihan na isuspinde ang ipinataw na Excise Tax sa langis sa ilalim ng hindi pangkaraniwang sitwasyon.
Ito ang reaksyon ni Senator Koko Pimentel sa hirit ni Energy Secretary Alfonso Cusi na pagkalooban ang Department of Energy ng kapangyarihang isuspinde ang Excise Tax sa produktong petrolyo ngayong sunud sunod ang oil price hike.
Giit ni Pimentel ang ganung klase ng kapangyarihan ay hindi dapat ipagkaloob sa isang hindi elected official tulad ni Cusi.
Samantala, inihayag naman ni Energy Committee Chairman Senator Win Gatchalian na kumporme siya sa pagsuspinde sa Excise Tax sa langis para aniya maibsan ang epekto ng biglang pagtaas ng presyo ng krudo sa World Market. —sa ulat ni Cely Ortega Bueno (Patrol 19)
