Itinigil muna ng Justice Jose Abad Santos General Hospital sa Binondo, Maynila ang pagtanggap ng mga pasyente.
Ito’y makaraang umabot na sa critical level ang kanilang capacity rate dahil sa pagdagsa ng mga COVID-19 patients.
Kapwa nasa full capacity na ang emergency at holding areas ng nasabing ospital.
Ayon sa pamunuan ng Abad Santos Hospital, tatanggap lamang muna sila ng mga bagong admissions sakaling may ma-discharge na iba pang pasyente.
Sa ngayon ay halos 80,000 na ang COVID-19 cases sa Maynila kabilang ang 1,247 active cases, 77,224 recoveries at 1,526 deaths. —sa panulat ni Drew Nacino
