Nalunod sa magkahiwalay na lugar sa Samar at Leyte ang isang guro at 5 taong gulang na batang lalaki nitong Sabado.
Sa Can-Avid, Eastern Samar, natagpuan ang katawan ng guro sa dulo ng tulay sa Barangay Canteros matapos na malunod tanghali ng Sabado.
Ayon sa imbestigasyon, lasing ang biktima ng mangyari ang insidente.
Sa Ormoc City, Leyte, nalunod din sa ilog sa Barangay Naungan ang isang 5 taong gulang na batang lalaki.
Ayon sa ulat, nagpunta ang bata sa ilog para lumangoy kasama ang iba pang bata umaga ng Sabado.
Nag-alala na ang ate ng bata dahil mag-a-alas-12 na ay wala pa ito sa kanilang tahanan.
Kaya’t nagpunta sya sa ilog at doon na nalaman na nawawala na ito.
Doon na nakita matapos ang pagtutulungan ng pulis at kapit-bahay ng biktima ang katawan nito na lumulutang malapit sa kanilang tahanan.—sa panulat ni Rex Espiritu
