Patay ang 20 indibidwal habang sugatan naman ang 79 na iba pa sa pagsabog ng isang fuel tanker sa Akkar, Lebanon.
Ayon sa Lebanese Red Cross, karamihan sa mga nasugatan ay dinala sa iba’t ibang ospital.
Sa imbestigasyon, namahagi ng gasolina sa mga residente ang Lebanese army mula sa isang fuel storage tanker na nakumpiska ng militar.
Ngunit sumugod umano ang daan-daang mamamayan hanggang sa magkagulo at bigla na lamang sumabog ang tangke.
Patuloy ang imbestigasyon sa naturang insidente.
