Nadagdagan pa ang mga lugar sa Quezon City na isinailalim sa special concern lockdown.
Isinailalim nitong weekend sa lockdown ang Tiberias Alley c. Benitez Street hanggang Julay Alley Banahaw Street sa Barangay San Martin de Porres kung saan naitala ang labing anim na aktibong kaso ng COVID-19.
Bukod pa ito sa isang compound sa Barangay Apolonio Samson na nakapagtala ng dalawamput tatlong COVID-19 active cases.
Sa kabuuan ay nasa walong lugar sa nasabing lungsod ang naka-lockdown at tatagal ng hanggang labing apat na araw.
Samantala, patuloy ang isinasagawang pagbabakuna sa mga residente ng Quezon City kung saan nasa mahigit kalakahating milyong indibidwal na ang naturukan ng COVID-19 vaccine.
