Nakapagtala ng karagdagang apat na mga bagong dinapuan ng COVID-19 sa mga Pilipinong nasa ibayong dagat.
Ayon sa datos ng Department of Foreign Affairs (DFA), ito ang dahilan ng paglobo ng bilang ng mga dinapuan ng COVID-19 sa ibayong dagat sa 18,633 na naitala sa 94 na mga bansa.
Sa naturang bilang 6,078 ang patuloy pang nagpapagaling sa iba’t-ibang mga pagamutan.
17 naman ang bagong mga gumaling sa virus dahilan para umakyat sa 11,392 ang kabuuang bilang ng mga nakarekober sa COVID-19.
Nananatili namang nasa 1,163 ang bilang ng mga nasawi sa COVID-19 sa ibayong dagat.
