Nanawagan ng suporta si outgoing Philippine National Police (PNP) Chief Pol. Gen. Debold Sinas para sa papalit sa kaniya na si incoming PNP Chief Pol. Lt. Gen. Guillermo Eleazar.
Sa isang pahayag, hinikayat ni Sinas ang 220,000 tauhan ng PNP na ibigay ang buong suporta kay Eleazar na itinalaga ni Pangulong Rodrigo Duterte na hahalili sa kaniya.
Sinabi ni Sinas na deserving ang kaniyang mistang si Eleazar na pumalit sa kaniyang pwesto at 100% siyang kumpiyansa dito.
Umaasa naman ang aalis na PNP Chief na sa pamumuno ni Eleazar ay mananatili ang magandang pagpapatupad ng mga polisiya at institutional program.
Samantala, sinabi ni Sinas na naniniwala siyang nagampanan niyang maigi ang kaniyang trabaho sa PNP.
Nabatid na gagawin ang tradisyunal na change of command ceremony sa kampo Crame bukas, ika-7 ng Mayo, 2021.
