Inilunsad ng isang pharmacist ang isang community pantry ng mga gamot sa Sampaloc, Maynila.
Ayon kay Marc Kevin Cirelos, layunin ng naturang pantry na mamahagi ng libreng gamot at bitamina para sa mga may sakit gaya ng ubo, sipon, lagnat, gayon din ng face mask at alcohol.
Salaysay ni Cirelos, inspirasyon niya ang Maginhawa Community pantry at ang iba pang paraan ng pagtulong gaya nito.
Aniya, sa tulong ng mga kaibigan ay nakabili sila ng mga gamot at naisakatuparan ang adbokasiyang ito.
Dagdag nito, na sana ay magtagal ang community pharmacy pantry na ito upang marami pa ang matulungan dahil mahirap aniya itong i-maintain dahil sa limitadong pondo para sa mga gamot.
