Opisyal ng sinelyuhan ng Pag-IBIG fund at kumpanyang Teleperformance ang kanilang pagsasanib pwersa upang maghatid ng mas malawak, mahusay at mabilis na serbisyo para sa mga pagibig member.
Ayon kay Pag-IBIG fund President at CEO, Atty. Darlene Marie Berberabe, sa pamamagitan ng partnership ay maaabot na sila ng mga miyembro hindi lamang sa pilipinas kundi maging sa ibang bansa lalo’t nasa apat na milyong Pag-IBIG member ay nasa ibayong dagat.
Gamit anya ang serbisyo ng Teleperformance ay magkakaroon ng 24 oras na access ang mga member sa kanilang account maging sa pagbeberipika ng mga loan status, housing loan, short-term loan at amortization.
Magagamit din ng Pag-IBIG ang buong channel services ng Teleperformance mula sa voice call, e-mail at chat at mas marami ng agent ang sasagot o tutugon sa tawag ng mga miyembro.
By: Drew Nacino | Jonathan Andal
