Siniguro ng pamunuan ng Philippine Veterans Affairs Office (PVAO) na tuloy-tuloy ang dating ng benepisyo ng mga bayaning beterano kahit anong uri pa ng quarantine status ang ipatupad sa bansa.
Ito’y ayon kay PVAO Administrator Usec. Ernesto Carolina sa pamamagitan ng ginawa nilang mobile app na para makita at makamusta ang mga beterano kahit pa hindi sila makapunta ng personal dahil sa pandemya.
Mababatid na may sapat na pondo ang PVAO para sa naturang programa dahil may pinagkukunan itong pondo maliban sa ipinagkaloob ng pamahalaan.
Sa pagtataya ni Carolina, nasa 4,000 pang mga World War II veterans ang nabubuhay maliban pa sa mga retiradong mga sundalo.
