Tinanggal na sa puwesto ang hepe ng General Trias Police na si Police Lieutenant Colonel Marlo Solero.
Ito ay matapos ang nangyaring pagkasawi ng isang quarantine violator sa lugar na si Darren Peñaredondo dahil sa umano’y pagpapahirap rito at pagpapagawa ng 300 rounds ng pumping exercises.
Ayon sa PNP, napag-alaman din, batay sa mga pahayag ng dalawa pang quarantine violators, na nagpagawa nga si Solero ng physical punishment sa mga lumabag sa curfew —bagay na unang itinanggi ng sinibak na hepe.
Ayon pa sa sworn affidavits ng dalawang naturang curfew violators, pinagawan umano sila ng mga pulis ng knee bender exercises bilang parusa.
Samantala, ililipat naman si Solero sa provincial headquarters ng Cavite police sa Imus, Cavite
