Posibleng hindi na kulangin ang suplay ng tubig sa Metro Manila at ilang kalapit na lalawigan hanggang 2035.
Ito ang inihayag ng Metropolitan Waterworks and Sewerage System (MWSS) kung masusunod ang potable water roadmap na isinumite kay Pangulong Rodrigo Duterte.
Paliwanag ni MWSS Administrator Reynaldo Velasco, inaasahan kasing makatutulong ang mga ipatatayong Kaliwa Dam sa Angat Dam na siyang pangunahing pinagkukunan ng suplay ng tubig sa kalakhang Maynila.
Ngunit kung hindi aniya matutuloy ang naturang plano, tiyak na magkakaroon ulit ng problema sa suplay ng tubig sa loob lamang ng dalawang taon.