Ikinatuwa ng Palasyo ang pahayag ni Vice President Leni Robredo na mas interesado ito sa lokal na posisyon sa halip na tumakbo bilang presidente ng bansa sa susunod na taon.
Ayon kay Presidential Spokesperson Secretary Harry Roque, ito’y marahil nabatid na ni Robredo na wala siyang pag-asa na pamunuan ang bansa.
Dagdag pa ni Roque, na-turn off na ang sambayan kay Robredo dahil sa ginagawa nitong maagang pamumulitika.
Binigyang diin pa ni Roque na ikinadismaya ng Palasyo na lahat na lamang ng programa ng administrasyon ay laging kinokontra ng panig ni Robredo.
