Plano ng isang mambabatas na maghain ng resolusyon para isulong ang umento sa sahod ng mga nurse sa bansa.
Sa isang privilege speech ni House Minority Leader Joseph Paduano, inihayag nito na sukdulan na ang pagbubuwis buhay ng mga nurse sa bansa lalo na ngayong may pandemya.
Kung kaya’t, naungkat nito ang DBM budget circular na layong ipatupad ang batas para sa nararapat at katanggap-tanggap na sahod para sa mga nurse alinsunod sa kautusan ng Korte Suprema.
Paliwanang ni Paduano, dalawang dekada na ang edad ng Philippine nursing act na nagtatakda ng ‘salary grade 15′ o katumbas ng 32,000 kada buwan na sahod dapat ng isang entry level ng mga nurse sa pampublikong pagamutan.
Pero sa ngayon, ani Paduano, hindi pa rin ito napatutupad dahil nakasaad sa re-classification ng naturang kautusan ay hindi gagalawin ang sweldo ng iban nurse pero matatamaan ang kanilang kasalukuyang posisyon.
Ibig sabihin, ang nurse 2 na tumatanggap noon ng salary grade 15, ay balik bilang nurse 1.
Giit ni Paduano malinaw itong demotion sa hanay ng mga naturang health workers.
Sa huli, binigyang diin ni Paduano na sa kanyang planong ihaing resolusyon, lalamanin nito ang pagsasagawa ng mabusising pag-aaral at imbestigasyon sa naturang kautusan.
