Wala pang plano ang Metropolitan Manila Development Authority (MMDA) na ipatupad ng muli ang number coding sa mga pangunahing lansangan sa Metro Manila.
Ito ay sa kabila ng rekomendasyong luwagan na ang umiiral na quarantine restrictions o isailalim na sa Modified General Community Quarantine ang buong NCR.
Ayon kay MMDA Chairman Benhur Abalos Jr., wala pa siyang nakikitang dahilan para ibalik na ang pagpapatupad ng number coding.
Gayunman, inatasan na aniya ang traffic engineering ng mmda na obserbahan ang magiging daloy ng mga sasakyan oras na nasa mgcq na ang Metro Manila.
Kaugnay nito, umapela si Abalos sa Department of Transportation na pahintulutan na ang pagbiyahe ng mas marami pang Public Utility Vehicles (PUV’s) upang makatulungan ang inaasahang pagdami ng mga mananakay.
