Kakailanganin pa ng mas maraming storage capacity para sa bakuna kontra COVID-19 ng Metro Manila, na syang sentro ng pandemya.
Ito, ayon kay DOH national immunization program manager Dr. Maria Wilda Silva, ay batay sa 2018 capacity ng mga lokal na pamahalaan para sa vaccine management at storage.
Kinakailangan din kasi aniya ng storage para sa iba pang bakuna ng bansa gaya na lamang ng anti-rabbies vaccines.
Samantala, magugunitang noong Disyembre, sinabi ni Health Undersecretary Maria Rosario Vergeire na plano ng gobyerno na magkaroon ng apat na cold storage rooms at dalawang walk-in freezers sa Metro Manila na magsisilbing central hub para sa bakuna kontra COVID-19.