Isang public health research group ang nagbabala kaugnay sa posibleng pagtaas pa ng bilang ng kaso ng COVID-19 sa bansa sa oras na makapasok sa Pilipinas ang bagong variant ng virus.
Ayon kay Dr. John Wong, Epidemiologist at Founder ng Epimetrics, posibleng tumaas ang kaso ng COVID-19 hanggang 15 beses.
Hindi aniya malabo na ang naitatala ngayon na 20k kaso ng COVID-19 kada buwan ay pumalo sa 300k kapag napasok ng bagong variant ng COVID-19 ang bansa.
Una rito, nilinaw ng Department Of Health na wala pa ring nakakapasok na bagong variant ng COVID-19 sa bansa matapos na magpositibo rito ang isang Pilipino na nagtungo sa Hongkong.