Kinumpirma ng Japan na nakapagtala na sila ng unang kaso ng bago at posibleng mas mabangis na strain ng coronavirus mula sa Britanya.
Ayon sa Japan Ministry of Health, limang lalaki at isang babae ang kasalukuyang nananatili sa isang hotel na kinumisyon ng gubyerno.
Magugunitang nagpositibo sa virus ang mga nabanggit nang dumating sila sa Japan mula Britanya.
Wala naman silang naging close contact sa iba pang pasahero ng sinakyan nilang eroplano pabalik ng Japan.
Bagama’t hindi na idinetalye pa ng Japanese government ang pagkakakilanlan ng limang nagpositibo sa virus subalit isa sa mga ito ay bata na wala pang 10 taong gulang ang edad.
Dalawa sa mga ito ang dumating sa Haneda Airport sa Tokyo habang ang iba ay lumapag sa Kansai Airport na nasa Osaka Prefecture sa kanlurang Japan.
