Bumuwelta si Bayan Muna Party-List Rep. Carlos Zarate sa pag-atake ni Pangulong Rodrigo Duterte.
Ayon kay Zarate, diversionary tactic lang ng pangulo ang pag-atake nito sa kaniya.
Ito aniya ay para malihis ang atensyon ng publiko sa mas mahahalagang isyu na kinakaharap ng bansa.
Giit ni Zarate ginagawa ito ng pangulo sa lahat ng kaniyang kritiko at tumutuligsa sa mga polisiyang ipinatutupad ng gobyerno.
Ani Zarate wala namang patutunguhan at lalo lamang malilihis ang usapin kapag pinatulan niya ito.
