Pumalo na ng 329,637 ang kabuuang bilang ng COVID-19 sa bansa.
Batay sa datos ng Department of Health (DOH), ito’y makaraang maitala ang 2,825 na mga bagong kaso ng virus.
Sa naturang bilang, aabot pa sa 49,989 ang mga aktibong kaso ng virus.
437 naman ang naitalang gumaling sa COVID-19 sa nakalipas na magdamag.
Kung kaya’t nasa 273,723 na ang kabuuang nakarerekober sa COVID-19 sa bansa.
Sa kaparehong datos ng DOH, napaulat ang 60 mga nasawi, kaya’t umakyat na sa 5,925 ang COVID-19 related deaths sa bansa.
