Inirekomenda ng Department Of Justice (DOJ) ang pagsasampa ng kaso sa ilang opisyal ng PhilHealth matapos masangkot sa umano’y katiwalian sa ahensya.
Ito’y batay sa inilabas na resulta ng imbestigasyon ng binuong task force ni Pangulong Rodrigo Duterte na pinangunahan ng DOJ.
Kabilang sa mga opisyal na ahensya na inirekomendang kasuhan ay ang nagbitiw na Presidente at CEO na si Ricardo Morales, Executive Vice President Arnel De Jesus, Senior Vice President Jovita Aragona, Senior Vice President Renato Limsiaco Jr., Senior Vice President Israel Francis Pargas, Oic Calixto Gabuya Jr., Aa Division Chief Bobby Crisostomo.
Ang mga nabanggit na opisyal ay nakitaan umano ng paglabag sa Anti-Graft and Corrupt Practices Act, revised penal code provisions ukol sa malversation at ilang civil service provisions.
Positibo ang task force na minadali ang pagpapatupad ng Interim Reimbursement Mechanism kung saan nabigyan ng cash advance ang mga umano’y paboritong ospital.
Malinaw umanong nagamit ang implementasyon ng irm sa katiwalian dahil wala pang guidelines ito nang ipatupad.