Pag-aaralang maigi ng Manila Electric Company (Meralco) ang naging desisyon ng Energy Regulatory Commission (ERC).
Ito’y kaugnay sa pagpapataw ng P19-M na multa ng ERC sa Meralco dahil sa kabiguan nitong linawin ang naranasang bill shock ng mga customer nito.
Ayon kay Meralco Spokesperson Joe Zaldarriaga, hinihintay pa nila ang kopya ng kautusan mula sa ERC bago simulan ang kanilang paghimay hinggil dito.
Maliban diyan, sinabi ni ERC Chairperson Agnes Devenadera na bigo rin ang Meralco na sundin ang kasunduan hinggil sa installment payment sa gitna ng umiiral na community quarantine dahil sa COVID-19 pandemic.
