Muling tiniyak ng gobyerno ang transparency at accountability sa pagpili, pagbili at pamamahagi ng bakuna kontra COVID-19.
Sa Senate hearing ukol sa national immunization program, ipinaliwanag ni National Task Force Against COVID-19 chief implementer at Vaccine Czar Carlito Galvez, Jr. na daraan sa mahigpit na regulatory procedures ang pagkuha ng bakuna.
Ayon kay Galvez, ang procurement process ay ginagawa sa pamamagitan ng multilateral arrangements ng pamahalaan sa Asian Development Bank (ADB) at World Bank (WB) upang matiyak na transparent ang dokumentasyon sa pagbili ng coronavirus vaccine.