Kalayaan para sa lahat ang naging mensahe ni Vice President Leni Robredo sa pagdiriwang ng ika-122 anibersaryo ng Araw ng Kalayaan.
Sa kanyang mensahe, binigyang diin ni Robredo na nakakamit ang kalayaan kung ang bawat isa ay titindig para sa kanyang kapwa.
Kung may banta aniya sa kalayaan ng isa dapat lahat ay pumalag dahil walang kalayaan ang isang tao kung walang kalayaan ang lahat.
Sa mga nakikita natin sa mundo ngayon, sa harap ng pandemya ng mga banta sa karapatan at kalayaan, sa pag-alab ng mga damdamin laban sa paniniil at pagbabalewala sa dignidad ng indibidwal o lahi siguro nagiging malinaw na rin sa mas nakakarami, magkakarugtong ang kalayaan ng lahat; walang kalayaan ang isa, kung walang kalayaan ang lahat dahil ang sistemang sisiguro nito ay gagana lamang kung lahat ay ituturing na patas at makatao, patas ang dignidad, patas ang karapatan, pare-parehong may kalayaan,” ani Robredo.
