Umakyat na sa 20 ang bilang ng mga person’s deprived of liberty (PDL’s) na nagpositibo sa coronavirus disease 2019 (COVID-19) sa Correctional Institution for Women (CIW).
Ito’y ayon sa Bureau of Corrections (BuCor) ay makaraang magpositibo sa COVID-19 ang dalawa pang inmate nito na bahagi ng unang batch ng mga bilanggong sumailalim sa pagsusuri at nakuha ang resulta nitong Huwebes.
Dahil dito, agad dadalhin ang dalawang bilanggo sa tinatawag nilang “site harry” na nasa loob ng New Bilibid Prisons sa Muntinlupa City para isailalim sa quarantine.
Tiniyak naman ng BuCor na mahigpit nilang susundin ang protocols sa pagbibiyahe ng mga bilanggong apektado ng COVID-19 sa pakikipag-ugnayan sa Department of Justice (DOJ), Department of Health (DOH) at International Committee of the Red Cross.
