Extortion ang nakikitang motibo sa pagsabog ng isang bus ng Yellow Bus Line sa Polomoloc, South Cotabato na ikinasugat ng 18 katao.
Ayon kay PNP Region 12 Director Chief Supt. Lester Camba, isang lalaki umano na nagpakilalang mula sa grupong Al Khobar ang nagsabi sa secretary ng bus company na tumawag na ng bomb squad dahil pasasabugin nila ang bus 2008 ng kumpanya.
Sinasabing nabigo ang grupo na makausap ang may-ari ng bus company kaya’t bilang ganti ay kinabitan ng granada ang celfon na nagsilbing detonating device sa ginamit na pampasabog.
Ang nasabing insidente ay ikalawang beses nang pagpapasabog sa bus ng yello bus line.
Hindi naman makumpirma ng PNP Region 12 kung talagang Al Khobar ang nasa likod nang pagsabog dahil hindi anito istilo ng grupo ang pag-abiso bago ang pambobomba.
Posibleng ibang grupong galit sa pulis ang nagpasabog dahil na rin sa kampanya ng mga otoridad kontra droga at pag-aresto sa mga wanted persons.
By Judith Larino | Jonathan Andal
