Posibleng pumalo sa 450,000 hanggang 480,000 ang coronavirus disease 2019 (COVID-19) case sa bansa sa katapusan ng Nobyembre.
Ito ang pagtaya ng Octa Research Group matapos itigil ng Philippine Red Cross ang kanilang COVID-19 testing dahil sa pagkakautang ng PhilHealth.
Ayon kay Prof. Guido David, posibleng makaapekto ito sa pagtatala ng kaso ng COVID-19 kada araw.
Gayunman sinabi ni David na nakikita na ngayon ang pagbaba ng bilang ng active cases na naitatala kada araw na isa anilang positibong development.
