Nasagip ng mga otoridad ang isang doktor na dalawang buwan nang bihag ng Abu Sayyaf sa Sulu.
Kinilala ang na-rescue na si Dr. Daniel Moreno.
Ayon kay Major General Corleto Vinluan, Commander ng Joint Task Force Sulu at 11th infantry division nakatanggap ng tip ang militar hinggil sa pagtitipon ng mga terorista sa barangay Bangalan at nang puntahan nila ito ay nagkabarilan pa ng halos limang minuto.
Tila nataranta aniya ang mga bandido sa paglusob ng mga sundalo kaya’t naiwan ang bihag nilang doktor na kaagad naman nilang dinala sa isang military hospital sa Jolo para suriin ang kondisyon bagamat wala naman itong sugat.
Ang naturang doktor ay dinukot noong February 4 sa barangay Walled City sa Jolo.
Samantala limang Indonesian fishermen ang hawak pa ng Abu Sayyaf sa Sulu matapos dukutin ang mga ito sa isang bahagi ng Sabah.
