Hindi pipilitin ng Commission on Elections (COMELEC) ang mga kandidato sa pagka-Presidente na dumalo sa kanilang inihahandang presidential debate.
Sinabi ni COMELEC Chairman Andy Bautista na hindi maaring pilitin ng COMELEC ang mga kandidato subalit hindi din aniya nila mapipigil kung sakaling lumikha ng mga ispekulasyon ang pagliban ng mga ito.
Ang presidential debate ay gagawin ng COMELEC sa Pebrero hanggang Abril at hindi pa naman matukoy kung kailan gagawin ang debate para sa mga tatakbo sa pagka-Bise Presidente.
By Katrina Valle | Aya Yupangco (Patrol 5)
