Dapat ituloy ang imbestigasyon sa mga kontrobersyang bumabalot sa hosting ng Pilipinas sa 2019 South East Asian Games (SEA Games).
Iginiit ito ni Senador Panfilo Lacson dahil hindi dahilan ang pagiging overall champion ng bansa para balewalain na ang umano’y anomalya sa paghawak sa regional meet.
Sinabi ni Lacson na maaaring ipagpatuloy ang imbestigasyon ng Senado kahit may ginagawang sariling imbestigasyon ang Office of the Ombudsman.
Wala aniyang kinalaman ang organizing committee sa tagumpay ng mga atleta ng bansa at ito ay resulta ng pagsisikap ng mga manlalaro at ng kanilang coahes at sponsors. — ulat mula kay Cely Ortega- Bueno (Patrol 19)
