Tiniyak ng Kongreso na mananagot ang mga opisyal na responsable sa mga kapalpakang nararanasan sa South East Asian Games (SEA Games).
Ayon kina Cong. Lord Allan Velasco at PBA Partylist Representative Jericho Nograles, siguradong marami ang maghahain ng resolusyon para imbestigahan ang preparasyon SEA Games.
Gayunman, nagkakaisa sina Velasco at Nograles na dapat itigil na muna ang pamumuna sa mga kapalpakang makikita sa hosting ng SEA Games at sa halip ay tutukan kung paano magkakatulungan para ito maisasaayos.
Sinabi ni Velasco na maaari ring lumapit ang sino man sa Kongreso kung mangangailangan sila ng tulong para sa hosting ng SEA Games.
