Mas mapayapa at maayos ang paggunita sa Undas ngayong taon sa Manila North Cemetery kumpara noong nakaraang taon.
Ayon kay Manila North Cemetery Task Group head Police Lieutenant Col. Reynaldo Magdaluyo, wala pa silang aberyang nakikita habang tuloy-tuloy ang pagpasok at paglabas ng tao sa naturang sementeryo.
Sa pinakahuling tala ng grupo, nasa higit 3,000 madaling masunog na gamit ang kanilang nakumpiska katulad ng alcohol, pabango, at lighter.
Samantala, nasa 75 matatalim na bagay at limangdaan at 90 pakete ng sigarilyo naman ang nakuha sa mga pumapasok sa naturang sementeryo.