Nagpalabas ng sentimiyento ang may 50 beteranong miyembro ng Philippine National Police-Special Action Force (PNP-SAF) na lumaban sa Maute-ISIS Terrorist Group sa kasagsagan ng Marawi Siege.
Ito’y dahil sa dalawang (2) taon nang nakalilipas subalit wala pa rin ang ipinangako umano sa kanilang promosyon kahit pa pormal nang napalaya ang Marawi mula sa terroristang grupo kahit pa may go-signal na mula sa National Police Commission (NAPOLCOM) nuon pang Mayo ng taong ito.
Aminado ang 57 Opisyal at tauhan ng PNP-SAF na masama ang kanilang loob at bumaba ang kanilang morale dahil sa nangyari lalo’t nakikita nila ang iba pa nilang kasamahan na ine-enjoy na ang benepisyo ng kanilang bagong ranggo.
Batay sa datos ng SAF, pinakamataas na ranggo na sinasabing napag-iwanan ay Police Major na dapat ngayon ay nasa ranggo nang Police Lieutenant Colonel habang ang mga Patrolman ay dapat nasa ranggo nang Corporal na ngayon.
Pagkatapos ng Marawi Seige noong Oct 17, 2017, unang nabigyan ng promotion ang mahigit na 700 SAF TROOPERS, mahigit na 70 naman sa Second Batch at ang panghuli ay ang 57 na hindi pa naibibigay hanggang sa ngayon.