Patay ang labing tatlo katao matapos bumaliktad ang sinasakyan nilang pick up truck nang sinubukan ng driver na lumipat ng lane sa Bangkok Thailand.
Ayon sa isang Bangkok police official, 12 sa mga pasahero ang agad na namatay sa insidente habang isa naman ang naisugod pa sa ospital pero binawian din ng buhay.
9 aniya sa mga nasawing biktima ay mga estudyante sa kolehiyo na katatapos lamang sumailalim sa mechanical training sa isang lokal na kumpanya.
Sinasabing nanggaling sa isang kasiyahan ang mga sakay ng pick up truck.
Samantala, 2 sa 5 nakaligtas sa aksidente ang nagtamo naman ng malalang pinsala sa katawan.
