Kinumpirma ni Armed Forces of the Philippines (AFP) Spokesman Marine Brig. Gen. Edgard Arevalo na may dalawa (2) pang kadete ng Philippine Military Academy (PMA) ang kasalukuyang nasa military hospital.
Ayon kay Arevalo, dumaing ang mga ito ng pananakit ng kanilang tiyan partikular sa kanilang abdomen.
Pinaniniwalaang dahil ito sa pangmamaltrato sa hazing sa loob ng akademiya.
Mayroon na rin umanong impormasyon ang pamunuan ng PMA kung sino ang nasa likod ng pananakit sa dalawang (2) kadete.
Nabatid na ang dalawang (2) kadete na pawang mga lalake ay may ranggong Cadet 4th class na kaklase ni Darwin Dormitorio na nasawi rin dahil sa hazing. —ulat mula kay Jaymark Dagala (Patrol 9)