Umaaray na ang mga magbababoy sa mababang farm gate price ng buhay na baboy.
Ayon kay Warren Tan, pangulo ng National Piggery Movement, nasa P80 hanggang P90 na lamang ang farm gate price ng kada kilo ng baboy gayung dati ay nasa P110 hanggang P120 ang pinakamababang presyo nito.
Sinabi ni Tan na halos buong kabuhayan ng mga backyard hog raisers sa probinsya ang apektado matapos patayin ng otoridad ang may 7,400 baboy sa Rizal at Bulacan na hinihinalang kinapitan ng African Swine Flu (ASF).
Maging ang mga hindi naman tinamaan anya ng ASF ay apektado dahil sa napakahigpit na panuntunan ngayon sa pagbiyahe ng baboy.
