Nagkaroon ng kakulangan sa parte ng GMA Network sa nangyaring aksidente sa taping ng isa sa mga serye nito na ikinasawi ng beteranong aktor na si Eddie Garcia.
Ayon kay Labor Secretary Sivestre Bello, lumabas sa imbestigasyon ng Occupational Safety and Health Center (OSHCO) na walang nakaantabay na safety officer ang network habang ginagawa ang taping ng serye.
Aniya, kabilang sa requirements ng mga network sa kanilang mga isinasagawang aktibidad ang pagkakaroon ng safety officer.
Magugunitang, nasawi ang beteranong aktor na si Garcia, ilang araw matapos itong ma-coma nang maaksidenteng madapa habang nagso-shoot sa isang serye ng GMA Network sa Tondo Manila.
