Winasak ng buhawi ang ilang kabahayan sa mga bayan ng Lavezares, San Miguel, Libas at Cataogan sa lalawigan ng Northern Samar dakong alas-9:30 ng umaga, kahapon.
Ayon naman sa Municipal Disaster Risk Reduction and Management Office ng Lavezares, kabilang din sa mga nasira ang ilang bahagi ng kanilang pampublikong pamilihan.
Nawalan din umano ng suplay ng kuryente sa ilang lugar doon at mahina rin daw ang signal ng lahat ng linya ng komunikasyon.
Wala namang napaulat na nasaktan sa pagtama ng buhawi sa mga nabanggit na bayan.
Patuloy namang minomonitor ng MDRRMO ang lagay ng panahon sa Northern Samar.