Inilagay na sa heightened alert ang lahat ng ahensya sa ilalim ng Department of Transportation (DOTr) para sa pagbubukas ng klase sa Lunes, Hunyo 3.
Ayon kay Transportation secretary Arthur Tugade, ito ay para matiyak na walang magiging aberya sa sektor ng pampublikong transportasyon sa ilalim ng kanilang ‘Oplan Biyaheng Ayos: Balik Eskwela’.
Ipinag-utos ni Tugade na siguruhing magiging maayos at ligtas ang pagbiyahe ng mga eestudyante at mga kawani ng mga paaralan.
Kaugnay nito, maglalagay ng mga malasakit help desk sa mga pantalan, train stations at iba pa.
Inaasahang libu-libong mga estudyante ang magba-byahe pabalik ng Maynila at iba pang lugar para sa pagbubukas ng school year 20019 – 2020.
